Urdu

حضور صلی اللہ علیہ وآلہ وسلم کی 63 سالہ زندگی کے مختلف ادوار کی 6 پیپر کٹنگ آرٹ میں مختصر منظر کشی کرنے کی کوشش کی گئی ہے ۔ ان 6 ادوار کی پیپر کٹنگ آرٹ کی صورت میں منظر کشی توصیف احمد ڈاٹ کام پر 6 پراجیکٹ کی صورت میں دستیاب ہے۔
یہ تمام آرٹ ورک گولڈن اور بلیک ورق کو کاٹ کربنایا گیا ہے ۔ ان 6 آرٹ پیس میں سے ہر آرٹ پیس ایک مکمل سٹوری اور واقعہ پیش کرتا ہے ۔
دوسرے آرٹ ورک Prophet Muhammad PBUH-2 کا موضوع ہے اسریٰ و معراج شریف ۔ اسریٰ کا معنی ہوتا ہے رات کو لےجانا ۔ اور معراج یعنی سیڑھی ۔
معراج شریف کا واقعہ نبوت سے ایک سال پہلے کا ہے ۔ نبی کریم صلی اللہ علیہ وآلہ وسلم کا یہ سفر معراج جسمانی سفر تھا ۔ کچھ لوگوں کے نزدیک یہ اشکال ہے کہ اتنا لمبا سفر ایک ہی رات میں کیسے طے ہوگیا ؟ یاد رکھیں لوگوں کے نزدیک ظاہری اسباب کے اعتبار سے یہ واقعہ کتنا ہی محال کیوں نہ ہو لیکن اللہ تعالیٰ کے لیے یہ مشکل نہیں اس لیے کہ اللہ تعالیٰ ظاہری اسباب کا محتاج نہیں ۔اللہ تعالیٰ لفظ کُن کہنے پلک جھپکتے ہی سب کچھ کرنے پہ قادر ہے ۔ اسباب تو انسانوں کے لیے ہیں ۔ اللہ تعالیٰ ان پابندیوں اور کوتاہیوں سے پاک ہے ۔
اللہ تعالیٰ فرماتے ہیں کہ معراج شریف کے سفر کا مقصد یہ تھا کہ ہم اپنے بندے کو عجائبات اور آیات کبریٰ دکھائیں ۔جن میں سے ایک آیت یعنی نشانی یہ بھی ہے کہ اتنا طویل سفر رات کے قلیل حصے میں ہی ہوگیا ۔نبی کریم صلی اللہ علیہ وآلہ وسلم کو معراج ہوئی آسمانوں پہ لیجایا گیا وہاں مختلف آسمانوں پر انبیاء کرام سے ملاقاتیں ہوئی ۔ اور سدرۃ المنتہی پر جو ساتویں آسمان پر عرش سے نیچے ہے وہاں اللہ تعالیٰ نے وحی کے ذریعے نماز اور دیگر بعض چیزیں عطافرمائی ۔ چلیں موضوع کی طرف بڑھتے ہیں ۔
پچھلے آرٹ ورک میں غار حراسے جو راستہ نکل رہا تھا اُسی تسلسل کو برقرار رکھتے ہوئے اسریٰ اور معراج شریف تک وہی راستہ دکھانے کی کوشش کی گئی ہے کہ پیارے رسول صلی اللہ علیہ وآلہ وسلم کے قدم مبارک کہاں سے چلے اور کس معراج یعنی بلندی تک پہنچے ۔
درمیان میں براق کو پروں والے گھوڑے کی شکل میں دکھایا گیا ہے ۔ براق کے اوپر سرکل کی شکل میں سات قوسیں دکھائی گئی ہیں جو سات آسمانوں کی غمازی کرتی ہیں ۔ اور ان سات آسمانوں پر جس جس پیغمبر سے آپ صلی اللہ علیہ وآلہ وسلم کی ملاقات ہوئی وہ بھی درمیان میں گولڈن پیپر میں ظاہر کی گئی ہیں ۔ چونکہ انبیاء كرام کے ناموں کا آرٹ ورک گولڈن پیپر پہ کیاگیا تھا اس لیے تصویر بناتے وقت کیمرے کے فلیش کی وجہ سے سیاہ رنگ نمایاں نظر آرہا ہے ۔ جبکہ سات آسمانوں پر انبیاء کے ناموں کا آرٹ ورک ہارڈ کاپی میں گولڈن ورق پر دیکھا جاسکتا ہے ۔
ہر آسمان کو پیٹرن اس نظریے سے مختلف رکھا گیا ہے تا کہ ہر آسمان زیادہ سے زیادہ نمایاں اور خوبصورت نظر آئے ۔
آسمان کے اوپر ایک طرف اللہ تعالیٰ کا نام ذوالجلال والاکرام دکھایا گیا ہے ۔ اللہ تعالیٰ کا یہ پیارا نام اسماء الحسنی بھی کہلاتا ہے ۔ اور سورۃ الرحمن کی آخری آیت میں بھی اللہ تعا لیٰ کے اس اسماء الحسنی کا ذکر کیا گیا ہے کہ تیرے پروردگار کا نام بابرکت ہے اور عزت و جلال والا ہے ۔ یعنی اندازہ لگا لیں کہ جونام اتنا بلندی اور عزت والا ہے وہ ذات خود کتنی بلندی اور عزت والی ہوگی ۔
چونکہ آپ صلی اللہ علیہ وآلہ وسلم کو آسمانوں پر اللہ تعالیٰ کی طرف سے نماز کا تحفہ دیاگیا تھا اس لیے اللہ تعالیٰ کے نام کے گرد سورۃ العنکبوت کی آیت نمبر 45 بھی نمایاں کی گئی ہے ۔
ان الصلوۃ تنھی عن الفحشاء والمنکر ۔
اس کے بعد ایک طرف نبی کریم صلی اللہ علیہ وآلہ وسلم کی ایک صفت جو کہ قرآن مجیدسورۃ الانبیاء کی آیت 107 میں بیان کی گئی ہے کہ!
وما ارسلنک الا رحمۃ للعالمین ۔
بے شک آپ تمام جہانوں کے لیے رحمت بناکربھیجے گئے ہیں ۔
براق کے نیچے حضور صلی اللہ علیہ وآلہ وسلم کے دو نعلین شریف دکھائے گئے ہیں ۔
براق کے پچھلے دو پائوں ورم ہول کے ایک دائرے میں دکھائے گئے ہیں اور دوسرے دو پاؤں ورم ہول کے دوسرے دائرے میں ۔ ورم ہول کے بارے تو آپ جانتے ہی ہیں کہ یہ ایک ایسا تھیوریٹیکل طریقہ ہے جس میں سپیس ٹائم کو موڑ کر سپیس ٹائم پر موجود دو مختلف مقامات کو آپس میں ملایا جاتاہے ۔ جو ایک ٹنل کی طرح آپ کو ایک مقام سے دوسرے مقام تک پہنچا دیتی ہے ۔ چاہے ان دو مقامات کے درمیان فاصلہ چندمیٹر سے لے کر لاکھوں نوری سالوں تک ہی محیط کیوں نہ ہو ۔ اسی طرح ورم ہول تھیوری کو دیکھا جائے تو یہ سفر جسمانی طور پر بھی ممکن ہے ۔ اور آج کی سائنس بھی ٹائم ٹریلونگ کے بارے نہ صرف سوچ رہی ہے بلکہ اُن کے نزدیک یہ سب ممکن بھی ہے ۔
چونکہ یہ سارا سفر رات کا تھا اس لیے ورم ہول اور سات آسمانوں کے درمیان براق کا سفری راستہ ستاروں اور کہکشاؤں سے سجایا گیا ہے ۔
سب سے نیچے وہی عرب کے پہاڑوں کا تسلسل برقرار رکھا گیا ہے ۔جس پر کچھ بکریاں گھاس چرتی ہوئی نظر آرہی ہیں ۔ اس کے دائیں طرف آب زم زم کی عکاسی کی گئی ہے ۔ آب زم کا منظر نامہ تیسرے آرٹ پیس میں مزید واضح ہوجائے گا ۔
اللہ تعالیٰ سے دعا ہے کہ اللہ کریم ہماری آنکھوں کو خیرا کرنے والے مناظر دکھائے ۔ یا اللہ ہم نیکی دیکھنا چاہتے ہیں۔ ہمیں شر سے محفوظ رکھ ۔ آمین یا رب العالمین